Verkefnastjórn

VSB verkfræðistofa hefur áratuga reynslu í verkefnisstjórnun og leggur áherslu á heildstæða nálgun við framkvæmd verkefna. Með þverfaglegu teymi tekst stofan á við fjölbreytt verkefni þar sem BIM aðferðafræði og nútímaleg tækni eru nýtt til að tryggja vandaða útfærslu.

Góður undirbúningur og vönduð skipulagsvinna eru undirstöður árangursríkrar verkefnisstjórnunar. VSB leggur ríka áherslu á nákvæma skilgreiningu verkefna, raunhæfar tíma- og kostnaðaráætlanir og virka samræmingu milli allra þátttakenda í verkefninu.

Með markvissri eftirfylgni og vönduðum vinnubrögðum stuðlar VSB að því að verkefni standist væntingar. Áhersla er lögð á að greina áhættuþætti snemma í ferlinu og bregðast við þeim á skipulagðan hátt, enda er hver framkvæmd einstök og kallar á sérsniðnar lausnir.