Vatnsveita og hitaveita

Vatnsveitu- og hitaveitukerfi eru grunnstoðir samfélagsins, sem tryggja öruggt aðgengi að hreinu neysluvatni og áreiðanlegri húshitun. VSB verkfræðistofa býr yfir víðtækri reynslu og þekkingu í hönnun og ráðgjöf á þessum sviðum og hefur unnið náið með bæði sveitarfélögum og veitufyrirtækjum víða um land.

Við bjóðum upp á heildstæða ráðgjöf þegar kemur að vatns- og hitaveitulausnum, allt frá forathugunum og þarfagreiningum til endanlegrar hönnunar og eftirfylgni á framkvæmdum. Sérfræðingar okkar leggja áherslu á rekstraröryggi, hagkvæmni og vistvænar lausnir sem taka mið af breyttum loftslagsaðstæðum og vaxandi orkuþörf.

VSB leggur ríka áherslu á að samþætta veitukerfi við önnur mannvirki og skipulag svæða, hvort sem um er að ræða nýframkvæmdir eða endurnýjun eldri kerfa. Við tökum þátt í þróun lausna sem auka orkunýtingu og minnka tap í flutningskerfum, ásamt því að tryggja að aðgengi að neysluvatni sé í samræmi við ströngustu gæðastaðla.